ⵉⵙⵏⵓⴱⴳ ⵎⴰⵙⵙ ⵏⵏⵉⵄⴰⵎ ⵎⴰⵢⵢⴰⵔⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴰⵙⵙ ⵏ ⵓⵙⵉⵎⵡⴰⵙ 28 ⵢⵓⵍⵢⵓⵣ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵜⴰⵎⵙⵇⴰⴷⵜ ⵏ ⵜⴳⴷⵓⴷⴰⵏⵜ ⵏ ⴽⴰⵣⴰⵅⵉⵙⵜⴰⵏ ⵖⵔ ⵍⵎⵖⵔⵉⴱ, ⵎⴰⵙⵙⴰ ⵙⵓⵍⵉⴽⵓⵍ ⵙⵙⵉⵍⵓⴽⵉⵣⵉ.
ⴳ ⵜⵉⵣⵡⵉⵔⴰ ⵏ ⵓⵏⵎⵓⵇⵇⴰⵔ ⴰⴷ, ⵉⵙⴰⵡⵍ ⵎⴰⵙⵙ ⵎⴰⵢⵢⴰⵔⴰ ⵅⴼ ⵜⵓⵎⵔⵜ ⵏⵏⵙ ⵙ ⵓⵏⵎⵓⵇⵇⴰⵔ ⴰⴷ ⵢⵓⴷⴼⵏ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵙⵖⵡⴰⵏ ⵏ ⵜⴳⵎⴰⵜ ⵉⵙⵙⵓⵔⵏ ⵏⴳⵔ ⵙⵏⴰⵜ ⵏ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ, ⴷⴰⵢ ⵉⵏⵏⴰ ⵎⴰⵙ ⴷ ⴰⵕⵥⵥⵓⵎ ⵏ ⵜⵎⵙⵇⴰⴷⵜ ⵏ ⵜⴳⴷⵓⴷⴰⵏⵜ ⵏ ⴽⴰⵣⴰⵅⵉⵙⵜⴰⵏ ⴳ ⵕⵕⴱⴰⵟ ⴳ 30 ⴷⵓⵊⴰⵏⴱⵉⵔ ⴳ ⵓⵙⴳⴳⵯⴰⵙ ⵏ 2020 ⵉⴳⴰ ⵜⴰⵢⴰⴼⵓⵜ ⵏ ⵓⵣⴰⵣⵓ ⴰⴷ ⵉⵥⵉⵍⵏ.
ⵖⵉⴽⵍⵍⵉ ⵉⵙⴰⵡⵍ ⵎⴰⵙⵙ ⴰⵏⵙⵙⵉⵅⴼ ⵅⴼ ⵜⵉⵔⴰⵜ ⵏⵏⵙ ⵙ ⵜⵙⵉⵍⴰⵡⵜ ⵏ ⵜⵙⵇⵇⴰⵏ ⴰⴷ ⴳ ⵉⵖⴰⵡⴰⵙⵏ ⴷ ⵜⵎⴷⵔⴰⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵏⵙⴱⴰⴱⵉⵏ ⵢⴰⴽⴽⴰⵏ ⵜⴰⴱⵖⵓⵔⵜ ⵉ ⵜⵎⵉⵣⴰⵔ ⵙ ⵙⵏⴰⵜ, ⵢⵉⵍⵉ ⵉⵙⴷⴷⵉⴷ ⴰⴷⴷⵓⵔ ⵏⵏⴰ ⵉⵍⵍⴰⵏ ⵖⵔ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳ ⵓⵙⴰⵜⵉ ⴰⴷ.
ⵢⴰⵡⵉ ⴷ ⵎⴰⵙⵙ ⴰⵏⵙⵙⵉⵅⴼ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙ ⵜⵖⴰⵔⴰⵙⵜ ⵏ ⵜⵏⴼⴰⵍⵉⵜ ⵏⵏⵙ ⴷ ⵓⴳⴰⵎⴰ ⵏ ⵉⴽⵓⵎⴰⴷ ⵏⵏⵙ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ, ⵃⵎⴰ ⴰⴷ ⵉⵎⵓⵏ ⴷ ⵓⵙⴷⴷⵉ ⵏ ⵓⵙⴱⵓⵖⵍⵓ ⵏ ⵜⵙⵇⵇⴰⵏ ⴰⴷ ⴷ ⵓⵙⴷⵓⵙ ⵏⵏⵙ ⵙ ⵇⴰⵃ ⵜⵉⵙⵏⵜⴰⵢⵉⵏ.
ⵙⴳ ⵜⵏⵉⵍⴰ ⵏⵏⵙ ⵜⵏⵏⴰ ⵜⵎⵙⵇⴰⴷⵜ ⵏ ⵜⴳⴷⵓⴷⴰⵏⵜ ⵏ ⴽⴰⵣⴰⵅⵉⵙⵜⴰⵏ ⴳ ⵕⵕⴱⴰⵟ, ⵎⴰⵙ ⵉⴳⴰ ⵍⵎⵖⵔⵉⴱ ⵢⴰⵏ ⵓⵡⴰⵏⴽ ⴰⵏⴼⵔⴰⵔ ⴷ ⵓⵎⵛⵛⵔⴽ ⵏ ⵜⵉⴷⵜ ⵏ ⵜⵎⵓⵔⵜ ⵏⵏⵙ, ⵎⵛⴰ ⵜⵙⴷⴷⵉⴷ ⵎⴰⵙ ⵢⵓⵛⵛⵍ ⵓⵙⴱⵓⵖⵍⵓ ⵏ ⵜⵙⵇⵇⴰⵏ ⵜⵉⵏⵙⴱⴰⴱⵉⵏ ⴷ ⵜⴷⵎⵙⴰⵏⵉⵏ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⴷ ⴰⴷ ⴰⵙⵏⵜ ⵉⵜⵜⴰⵡⴼⴽⴰ ⵢⴰⵏ ⵡⴰⴳⴳⴰⴹ ⴰⵎⴰⵢⵏⵓ ⵃⵎⴰ ⴰⴷ ⴰⵍⵉⵏⵜ ⵙ ⵓⵙⵡⵉⵔ ⵏ ⵜⵙⵇⵇⴰⵏ ⵜⵉⵙⵔⵜⴰⵏⵉⵏ ⵉⵥⵉⵍⵏ.
ⵖⵉⴽⵍⵍⵉ ⵜⵙⴷⴷⵉⴷ ⵎⴰⵙⵙⴰ ⵜⴰⵎⵙⵇⴰⴷⵜ ⵎⴰⵙ ⴷ ⵜⴰⵎⵓⵔⵜ ⵏⵏⵙ ⴷ ⵍⵎⵖⵔⵉⴱ ⵖⵔⵙⵏ ⵜⵉⵣⵎⵎⴰⵔ ⵜⵉⵅⴰⵜⴰⵔⵉⵏ ⵍⵍⵉ ⴷ ⵉⵇⵇⴰⵏ ⴰⴷ ⵜⵜⵓⵙⴱⵓⵖⵍⵓⵏⵜ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⴷ ⵜⴼⵍⵍⴰⵃⵜ ⴷ ⵡⴰⵙⵙⴰⵢ ⴷ ⵜⵎⴰⵍⵍⴰⵢⵜ ⴷ ⵉⴳⵔⴰⵏ ⵢⴰⴹⵏ.
ⵙⴳ ⵜⵙⴳⴰ ⵢⴰⴹⵏ ⵜⵙⴷⴷⵉⴷ ⵎⴰⵙⵙⴰ ⵜⴰⵎⵙⵇⴰⴷⵜ ⵜⴰⵙⵏⵜⴰⵢⵜ ⵜⴰⵎⵖⵔⴰⴱⵉⵜ ⴳ ⵜⵎⵜⵜⴰ ⵉⵎⵓⵏⵏ, ⴰⵛⴽⵓ ⵜⵙⵖⵣⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵙ ⵜⵓⴳⵜ ⵏ ⵉⴳⵎⴰⵎⵏ ⵏⵏⵙ ⵉⴳⴰⵏ 193, ⵜⴰⵖⵜⴰⵙⵜ ⵏⵏⴰ ⵉⵙⵙⵎⵏⵉⴷ ⵍⵎⵖⵔⵉⴱ ⵎⴳⴰⵍ ⵓⵖⵓⴷ ⵏ ⵍⵇⵇⵔⴰⵏ ⴷ ⵉⵏⴰⵡ ⵏ ⵓⴽⵙⴰⵏ, ⵜⵉⵍⵉ ⵜⵏⵏⴰ ⵎⴰⵙⵙⴰ ⵜⴰⵎⵙⵇⴰⴷⵜ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵜⴳⴰ ⵖⵉⴽⵍⵍⵉ ⵔⴰⴷ ⵓⴽⴰⵏ ⵙⵓⵍ ⵜⴳⴰ ⴰⵡⴰⵏⴽ ⵉⵣⵡⴰⵔⵏ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ ⴳ ⵢⵉⴳⵔ ⵏ ⵜⵏⴽⵔⴰ ⵙ ⵡⴰⵜⵉⴳⵏ ⵏ ⵓⴼⵔⴰ ⴷ ⵓⵙⴰⵔⵓⴼ ⴷ ⵓⵎⵙⴰⵡⴰⵍ ⵏⴳⵔ ⵉⵙⴳⴷⵏ ⴷ ⵜⴷⵍⵙⵉⵡⵉⵏ.